Gsellschafft

Zersd hone s selwagsaamde Hungateichl aafglegd,
do ham de Herrschafftn a Wal dro nogn kinna,
Naha hone ear, in meim bestn Scherm,
d Wossasubbn aafdrogn
aaf dea wöie ned daheargschwumma bi.
Eitz hams an Bron scho a weng grocha.
Mei Schweinsbron
is so apatitle gwen
wöi ausm Buldabeichl,
wal do honen a ausgschnin ghatt.
Gor ned noude hone Kneel austaalt
vo de oi, wöi ma ollawal
en Hois steckat bliebn hand
bols gor so gscheid dahear gredt ham.
Prost Mallzeit!
Unta Gsichda one Foa hone
Talarl gschom und dazou gsagd:
Do host dein Solod!
Aisa Zeigniss, dasa me auskenn e da Wölld
hone ear no an Pfifkaas voagsedzd.
Mid hoam hone ear,
sche eibabierld und mid am grean Mascherl,
a goidas Nixal gem.
Und zledzd mei Haus, mei Tiür vospeadt.

Katharina Bosˇnjak