Blaadl im Wind

Da Sommer war a kurzer Draam
für unsern oidn Lindnbaam.
Da Herbst is kemma gar so gschwind,
de gelbn Blaadl zaust da Wind.
Sie wispern midanand ganz staad:
„Boid wern mia alle obegwaht,

as Lebn uns nix mehr bringa ko!“
Do fliagt des erste scho davo.
Es hod si no a paarmoi draht,
in d Isar hods es einigwaht.
Do schwimmts dahi ganz frisch und froh,
kimmt obe bis auf Freising no.

A anders Blaadl, nass und schwaar,
is obegfoin aufs Trottoir.
Do steigt a Pfennigabsatz drauf
und spießt des ganze Blaadl auf,
is ins Theater nei stolziert
und hod si köstlich amüsiert.

(…)

Cilly Kaletsch, Trägerin des Bayerischen Poetentellers 2018